Poesía

QUERO PINTAR UN MAR.

QUERO pintar un mar sedento

dos meus anhelos afondados,

das miñas loucuras e alegrías,

das miñas dúbidas agochadas,

lambidas polos teus beizos salgados.

QUERO pintar un mar amigo,

un mar amante, confidente.

Quero andar contigo o tempo

en ondulante soedade,

onde afondar as penas,

onde cantar a alma.

QUERO adormecer nas túas ondas,

sentindo o tu engaiolado canto

bramante,xeminte, quedo....

Quero que remonte polas miñas veas

o xurdir da vida, o espertar dos soños esquecidos..

QUERO pintar a poesía

con trémulas pinceladas,

Quero beber os teus sabores de paleta,

apagar a sede,arelando o sosego,

sacar a miña alma fóra.

QUERO pintar con verbas de cores

Impregnadas de vernices claros.QUERO

Quero pintar o mar ,o meu Mar,

un soño de escuma branca.

Autora: Carmen Sampedro

•